15.luke.Politisk julekalender

E-boka har vore ein attergangar i mange år. Av ulike grunnar har ikkje konseptet tatt heilt av sjølv om svært mange av oss i det daglege leser meir på skjerm enn på papir. Det skyldes både dei tekniske løsningane,  men og striden om dei økonomiske rettane for forfattarane.

Nå kan det likevel sjå ut som at nettbokhandelen Amazon har klart å lansere ei leseplate som har ein viss suksess. Aftenposten har og ein artikkel om korleis store mengder med lesestoff kan overførast til mobiltelefonen.

Den første norske e-bokhandlaren har opna og tilbyr ein rekkje med utanlandske titlar. I følgje kritikken frå bloggaren «isfjeld» er ikkje utvalet mykje å skryte av, mykje av det bokhandlaren prøver å selje finn ein gratis på dei klassiske stadene for digitalisert litteratur som t.d. Prosjekt Gutenberg, Prosjekt Runeberg  eller for oss gamle venstresideaktivistar på Marxists Internet Archive.