Bibliotekpolitikk i Sverige og Danmark

På måndag skal ABM-utvikling legge fram bibliotekutgreiinga, kva skjebne den får i politikken gjenstår å sjå. Sidan eg nett har vore på ei lita rundreise i Skandinavia, dvs. eg mellomlanda på Kastrup på vei heim frå bok- og bibliotekmessa i Göteborg. Ei messe som kvart år har ei rekke gode bibliotekpolitiske seminar. Norge er påfallande dårleg representert på med stand på messa, Sør-Vestlandet var likevel tilstades med fire «organisasjonar». Det var kultushovudstadsatsinga Stavanger2008, det var fribynettverket ICORN det var Sølvberget, Stavanger kulturhus med «Gjestfrihetens kunster» og det var sjølvsagt Rogaland fylkesbibliotek med Mangfold2008.
Det var altså denne reisa som gav meg inspirasjon til å lage ei ekstrautgåve av politisk kalender med aktuell bibliotekpolitikk i Sverige og Danmark som tema.

Sverige
I den Svenske valkampen segla bibliotek opp som ei viktig sak, den store diskusjonen var knytte til biblioteklova si framtid. Moderatarna (Høgre) gjekk ut og ville oppheve lova slik at bibliotek kunne privatiserast og bli betaltenester. Dette blei tilbakevist av bibliotekaktivistar frå fleire hald. Det ser nå ut til at den nye borgarlege regjeringa ikkje vil endre lova i denne retninga. Noko som den svenske bibliotekforeninga sjølvsagt er nøgde med. Korleis den nye svenske regjeringa vil vidareføra kulturpolitikken gjenstår fortsatt å sjå. Det er ikkje tvil om at det er biblioteka si inntreden på den politiske agendaen under valkampen som førde til at Dagens nyheter dagen før opninga av bok- og bibliotekmessa hadde fylgjande oppslag om bibliotekarane «Det räcker inte att säga: schh!« Den Svenske fagrørsla har det siste året vore kjend i det norske bibliotekmiljøet på grunn av arbeidet med arbeidsplassbibliotek på vegkrogane. Det som er mindre kjed at det er LO sine undersøkingar om medlemane si bruk av internett og om lesing som legg grunnlaget for mykje om debatten om desse emna i grannelandet.Danmark
Dei danske folkebiblioteka viser vegen seier den danske bibliotekforeininga. I Danmark har den borgarlege regjeringa fått lov til å holde på nokre år. Det merkes på kommuneøkonomien og talet på bibliotekfilialar fell. Det kan brukas til å styrke dei enkelte einingane i fylgje Berlingske Tidende, ikkje alle er einige med dei i det, dei som protesterar meiner at bibliotekfilialane er viktige for lokalsamfunna. I avisa Politikken funderer dei òg over kva rolle dei lokale biblioteka kan spele i lokalsamfunnet når terrorpolitiet er ute og arresterar ungane til naboen din i jakt på terroristar.