Restar frå jula

Fram til julaftan lagde eg politisk julekalender med oppslag kvar einaste dag. Nå etter jul er det på tide å presentere alle dei oppslaga på nettet som eg hadde samla inn til julekalenderen som eg ikkje brukte.

24.luke.Politisk julekalender

Det er nok for seint å komme med ønskje om fleire julepresangar i år. Derfor skal eg avslutte denne politiske julekalenderen med fire ønskjer for stortingsmeldinga for bibliotek.
1) Eg ønskjer meg ei nasjonal satsing på litteraturformidling i den kulturelle skulesekken.
2) Eg ønskjer meg at potten til kulturbygg blir monaleg utvida slik at det gir kommunane økonomisk drahjelp når dei vil bygge nye bibliotekbygg.
3) Eg ønskjer ei medvite satsing på digitale tenester.
4) Eg ønskjer at det ikkje skjer strukturendringar som svekkar biblioteka i kommunane eller den regionale bibliotekkompetansen.

Til slutt vil eg ønskje alle lesarar av politisk julekalender ei fredeleg jul.

23.luke.Politisk julekalender

Ordskiftet etter bibliotekutgreiinga frå ABM-utvikling har i stor grad handla om bibliotekstruktur. Ikkje så rart når utredninga foreslår å opprette eit eige forvaltningsnivå etter kor mange bibliotektilsette det er i kvar enkelt eining.

22.luke.Politisk julekalender.

Utgiftene til kommunane aukar langt meir enn berekna. Kommunal Rapport melder at kommunane sine utgifter ligg ca. 7 milliardar høgare enn det regjeringa har lagt til grunn i sitt statsbudsjett. Og at skatteinntektene er lågare enn berekna.

21.luke.Politisk julekalender

“Folk i Rogaland låner mest bøker, filmer og musikk fra folkebibliotekene. Oslofolk går mest i operaen, og trøndere og vestlendinger går mest på festival“. Slik blir SSB sin kulturstatistikk presentert i Kommunal Rapport.

20.luke.Politisk julekalender

 Torsdag før jul er den store handledagen. Mange får bøker til jul, Klassekampen melder om “Klondyke i bokbransjen” . Bransjebladet Bok og samfunn meldte allreie i November om rekordår i bokbransjen. Det auka salet skjer både i bokhandlarane og via nettsal. Til og med bokklubbane er på veg oppover igjen på grunn av nettsalet.

19.luke.Politisk julekalender

Rekk handa i veret alle som har brukt den statlig finansierte nettportalen Norge/Noreg.no. Det har tidligare i haust stått strid om kor mykje ressursar som brukast på dei statlige nettsatsingane Miside og Noreg.no. Nå har den statlege nettsatsinga Noreg.no funne ut at dei statlege nettstadene kjem betre ut enn andre offentlege nettenester. Sa nokon noko om bukken og havresekken? Min kjende bloggkollega, Plinius undersøkte tidligare i haust ein del av det som finnes av statlege portalar på utdanningssida (+ fleire artiklar same nettstad). Han blei ikkje imponert.

18.luke. Politisk julekalender

Rogaland fylkesbibliotek får ny fylkesbiblioteksjef. Rogaland fylkeskommune har gitt stillinga som ny fylkesbiblioteksjef i Rogaland til Merete Nese Vinningland.

17.luke. Politisk julekalender

Siste nummer i av tidskriftet Bibliotekaren har eit stort oppslått intervju med underteikna i samband med at eg snart skiftar jobb . Bloggkollega Plinius har allreie laga ein kommentar til både tidsskriftet og oppslaget. Sidan dette er to svært viktige kanalar for bibliotekpolitisk ordskifte blir oppfordringa i dag å lese disse.

16.luke. Politisk julekalender

Folkebiblioteka var nokon av dei første kommunale tenestene som tok i bruk dataverktøy i det daglege. Frå tidleg i 80åra blei EDB-katalogar innført i biblioteka i stor fart først ute var Stavanger, med sin MEDIA-katalog. Omtrent samstundes blei heimedatamaskinen lansert. På midten av 80-talet hugsar eit fjernsynsinnslag som handlar om Hå bibliotek som har starta med utlån av heimedatamaskinar. Eit av dei mest mislukka forsøka eg har vore med på sa dåverande biblioteksjef i Hå, Kurt Kristensen til meg i ein samtale nokre år seinare.